Амьдралд санаанд оромгүй зүйлс тохиолдох нь нас нэмэгдэх тусам цөөрдөг ч юм шиг.

Хүүхэд байхад өдөр бүр шинэ адал явдалтай тулгарч, шинэ кино үзэж, шинэ хүнтэй танилцаж, юм бүхэн шинэ, зүүд хүртэл амттай байдаг байжээ.

Жилээс жилд үзэж харах зүйлсээ өөрөө сонгож байгаа болохоор бас нэгэн бодлын хайрцаглагдаж байгаа л юм болов уу даа.

Юутай ч өдөр өдрөөр өөрчлөгдөж байгаа, элэгдэж байгаа дэлхийгээ хайрлан энэрэх сэтгэлээр амьдарч, эргэн тойрныхондоо чадах хэрээрээ нөлөөлж байгууштай санагдана.

Тэнгэрлэг нэгэн гэр бүл гээд олон ангит кинон дээр аавынх нь хүүдээ хэлсэн нэг үг санаанаас гардаггүй юм. Сайн хүн сайныг үйлдэхгүй байх нь муу үйлс хийж байгаагаас өөрцгүй.

Хэрвээ би ч, та ч, хэн хэн маань нарлагхан энэ дэлхийгээ хайрлаж, халамж хамгаалал хэрэгтэй хэн нэгнийг энэрч байхгүй бол сэтгэл маань улам хатуурч нэг л мэдэхэд дөжирч, сайн гэж хэлэхээргүй хүн болсон байх вий.

Бас нэгэн дууны үг

Нарлаг хорвоод жаргаах биеийг
Наддаа ээж минь заяасан билээ
Ухаарч гүйцээгүй гэнэн сэтгэлийг
Уужим болгон тэлсэн билээ

Аа аа аа аа аа аа аа
Уужим болгон тэлсэн билээ

Ачтай төрсөн сайхан ээждээ
Азтай мэндэлсэн үр нь би билээ
Цэвэр ариухан ээжийнхээ сэтгэлд
Цэцэг нь болон дэлгэрсэн билээ

Аа аа аа аа аа аа аа
Цэцэг нь болон дэлгэрсэн билээ

Энэ л хорвоод хүүгээ гэсэн
Эхийн хайр наран билээ
Үрээ хайрлах эхийн сэтгэл нь
Үргэлж мөнхийн халуун билээ

Аа аа аа аа аа аа аа
Үргэлж мөнхийн халуун билээ

Дууны үг

Алтан дэлхийд үрийн бүүвэйтэй хамт заяасан
Ангир уургаа шимүүлэн өсгөх буянтай төрсөн
Атар хээрийн анхилуун цэцгийн үнэр шингэсэн
Алиа хөөрхөн үрийнхээ дуунд сэтгэл баяссан

Залуу ч явсан сайхан ч явсан миний ээжий
Зон олныхоо хайрыг татсан миний ээжий

Уудам дэлхийд үрийн бүүвэйтэй хамт заяасан
Ураг төрлийн ариун холбоог чандмань болгосон
Ухаан бодлын болор тунгалаг хайраараа ивээсэн
Уудам орчлонгийн наран дор үрээ бүүвэйлсэн

Залуу ч явсан сайхан ч явсан миний ээжий
Зон олныхоо хайрыг татсан миний ээжий

Энэхэн дэлхийн нэгэн бэрхийг биеэрээ туулсан
Эргэж олдохгүй нэгэн амьдралаа хүүдээ хайрласан
Энхийн төлөө сэтгэл зүрхээ мөнхөд зориулсан
Элбэрэлт сайхан ээжийнхээ ачийг хэзээ ч мартахгүй

Залуу ч явсан сайхан ч явсан миний ээжий
Зон олныхоо хайрыг татсан миний ээжий

Аяллын тухайд …

Сайхан аялах хүсэл хүн бүрт л байдаг байх. Миний хувьд бол хүсэхэд хясна, эсвэл хонх нь дуугарахаар дамар нь таг, дамар нь дуугарахаар хонх нь таг, хоёулаа дуугарахаар лам нь таг гэгч л болчихоод байдаг юм.

Юу ч гэх юм бэ дээ, ажил хийж өөрийн гэсэн орлогын эх үүсвэртэй болоод бас ч гэж аялахад боломжтой болоод ирэхийн үест найз нөхөд маань гэр бүлтэй болоод би ганцаараа ганцаардаад төдий л олон газраар аялж чадаагүй.

Ажилдаа хэт үнэнчийг хэлэх үү, хэчнээн ч жил амралтгүй ажиллачихав. Заавал амралт авах ёстой. Амралтаа авлаа, нойроо ханатал авч чадав уу, үгүй юу, долоо хоноод л дуудагдаад ажилдаа марш!

Гэр бүл зохиогоод хань ижилтэй болоод аялж эхэлнэ дээ гэтэл хүүхэд нялх болохоор бас явж чаддаггүй.

За тэгээд хэдэн жилийн дараа аялна даа гэтэл эрүүл мэндийн асуудал гарч ирж, ер нь л лам нь таг болчих гээд байна уу даа.

Яая даа байз.

 

 

Оньсого

Торхон дотор тос ус хоёр

Тэр юу вэ?  (өндөг)

 

Ах дүү тав

Нэг ижил нэртэй

Өндөр нам биетэй

Тэр юу вэ? (гар хөлийн хуруу)

 

 

Цондгор гэдэстэй

Цорвогор уруултай

Өрөөсөн чихтэй

Өглөгч зантай

тэр юу вэ? (ваар)

 

 

 

Do you have any question about Mongolia?

I am Mongolian and I live in Ulaanbaatar, which is the capital city of Mongolia. I am the one who is very much interested in helping foreigners to know about my beautiful country.

If you have any question about my country you can tell me your topic. I will try all my best translating into English what it is written in Mongolian.

So greeting from Mongolia, and let’s see who will see first and ask question.

Future and Present Value of Your Age

Мөнгөний ирээдүйн үнэ цэнийг тооцож байж бид тухайн төсөл, хөрөнгө оруулалт хэр ашигтай байна вэ? гээд л тоо бодоод л байдаг. Тооцоолол хэд хэдэн хуудсаар нь хийгээд л байдаг.

Харин бизнесийн хамгийн чухал орц болох тэрхүү цаг хугацааны үнэлгээ тооцож байх зуур юугаар ч үнэлэхийн аргагүй, дэндүү үнэтэй орц болох залуу нас минь хорогдсоор байдаг ажгуу.

Залуу байхдаа залуу нас гэж ямар үнэ цэнтэй баялаг надад байгаад байна вэ гэдгийг ухаардаг нь, бүр жинхэнэ утгаар нь ухаардаг нь аль ч улсын ямар ч боловсролтой, хүмүүжилтэй залуусын дунд ховор байдаг бололтой.

Мэдээж залуу л хүн юм чинь өглөөнөөс орой хүртэл завгүй байгаа.

Өглөө хичээлдээ явна. Тэгээд л өдрийн туршид хичээлээ хийгээд, ажилтай нэг нь ажлаа хийгээд, гялалзуулаад л амжуулаад л байна.

Харин орой болоход мөрөөдлөөс нь биелсэн юм юу ч үгүй, за маргааш л хэдэн цаг гаргаад өнөөдрийнхөө алдсаныг нөхөөд гүйцчихье гээд ядарч туйлдсан амьтан ор луугаа зүглэдэг.

Гэтэл амьдралын хамгийн гол зүйл мөрөөдөл байдаг.

Сургуульд сурах, ажил хийх зэрэг бол хэн нэгний өмнө хүлээсэн үүрэг,нийгмээс тавьж байгаа шалгуурт нийцэх хэр хэмжээний сургалтад хамрагдсан гэдгийг илэрхийлэх баримттай болж байгаа хэрэг болохоос та яг өөрөө өөрийнхөө мөрөөдлийг биелүүлэх хэмжээний сургалтыг барагтай сургуулиас олж авч чадахгүй.

Иймд залуу байгаа дээрээ, өглөө эрт босоод мөрөөдлийнхөө амьдралд ядаж хорин минут зарцуулж хэвшээрэй.

Би залуу байна, надад нас байгаа юм чинь гэж битгий алгуурлаарай.

Тэр омголон, сэргэлэн, авхаалжтай залуу нас чинь өнөөдөр л гэхэд 24 цагаар танаас алсран одож байгаа шүү.

Ээ дээ, залуус минь. Эх орон чинь та нарыг эрдэмтэй авхаалжтай, улсаа удирдаад явчих хэмжээний ур чадвартай болоосой гэж ихийг хүлээж байгаа шүү. Цагаа сайн удирдаж зохицуулаарай.